________________________________________
#আমি আল্লাহক কওঁ যে¸ মই নিজৰ ওপৰত জুলুম কৰিছোঁ– আল্লাহে কয়¸
۞ قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
”কোৱা! ‘হে আমাৰ বান্দাসকল! যিসকলে নিজৰ ওপৰত জুলুম কৰিছা তোমালোকে আল্লাহৰ ৰহমতৰ পৰা নিৰাশ নহ’বা। নিশ্চয় আল্লাহে সকলো পাপ ক্ষমা কৰি দিব। নিশ্চয় তেওঁ ক্ষমাশীল, পৰম দয়ালু।” (আল-যুমাৰ: ৫৩)
#আমি আল্লাহক আমাৰ অশান্তিৰ কথা কওঁ– আল্লাহে কয়¸
الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
“যিসকলে ঈমান আনিছে আল্লাহৰ স্মৰণত তেওঁলোকৰ মন প্ৰশান্ত হয়; জানি থোৱা! আল্লাহৰ স্মৰণতেই মনৰ শান্তি লাভ হয়।” (আৰ-ৰা’দ: ২৮)
#আমি আল্লাহক নিঃসঙ্গতাৰ কথা কওঁ– আল্লাহে কয়¸
وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
“নিশ্চয় আমি মানুহক সৃষ্টি কৰিছোঁ আৰু তাৰ প্ৰবৃত্তিয়ে তাক যি কুমন্ত্ৰণা দিয়ে সেইটোও আমি জানোঁ; আৰু আমি তাৰ গলধনৰ ধমনীতকৈও অধিক ওচৰত।” (ক্কাফ: ১৬)
#আমি আল্লাহৰ ওচৰত স্বীকাৰ কৰোঁ যে¸ আমাৰ গুনাহ অসীম– আল্লাহে কয়¸
وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ
“আৰু যিসকলে কোনো অশ্লীল কাম কৰিলে বা নিজৰ প্ৰতি অন্যায় কৰিলে আল্লাহক স্মৰণ কৰে আৰু নিজৰ পাপ কাৰ্যৰ বাবে ক্ষমা প্ৰাৰ্থনা কৰে। আল্লাহৰ বাহিৰে আন কোনে পাপ ক্ষমা কৰিব? আৰু সিহঁতে যিটো কৰি পেলাইছে সেইটো জানি বুজি পুনৰ নকৰে।” (আলে-ইমৰান: ১৩৫)
#আমি আল্লাহৰ ওচৰত কাতৰ প্ৰাৰ্থনা কৰোঁ– আল্লাহে কয়¸
فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
“এতেকে, তোমালোকে মোকেই স্মৰণ কৰা, ময়ো তোমালোকক স্মৰণ কৰিম; আৰু তোমালোকে মোৰ প্ৰতি কৃতজ্ঞ হোৱা আৰু অকৃতজ্ঞ নহ’বা।” (আল-বাক্বাৰাহ: ১৫৩)
#আমি আল্লাহৰ ওচৰত জীৱনৰ সমস্যা জনাই দুখ কৰোঁ– আল্লাহে কয়¸
ۚ وَمَنْ يَتَّقِ اللَّهَ يَجْعَلْ لَهُ مَخْرَجًا
“…আৰু যিয়ে আল্লাহৰ তাক্বৱা অৱলম্বন কৰিব আল্লাহে তাৰ বাবে উত্তৰণৰ পথ উলিয়াই দিব”। (আত-ত্বালাক: ২)
#আমি হতাশ হৈ আল্লাহৰ ওচৰত আশ্ৰয় বিচাৰোঁ– আল্লাহে কয়¸
إِنَّ مَعَ الْعُسْرِ يُسْرًا
“নিশ্চয় দুখৰ লগতেই আছে সুখ।” (আল-ইনশ্বিৰাহ: ৬)
#আমি সকলো বিষয়ে আল্লাহৰ ওপৰত ভৰসা কৰোঁ– আল্লাহে কয়¸
وَيَرْزُقْهُ مِنْ حَيْثُ لَا يَحْتَسِبُ ۚ وَمَنْ يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا
“আৰু তেওঁ তাক তাৰ ধাৰণাতীত উৎসৰ পৰা জীৱিকা দান কৰিব; আৰু যি ব্যক্তিয়ে আল্লাহৰ প্ৰতি তাৱাক্কুল কৰিব তাৰ বাবে আল্লাহেই যথেষ্ট। নিশ্চয় আল্লাহে তেওঁৰ উদ্দেশ্য পূৰণ কৰিবই; নিশ্চয় আল্লাহে প্ৰতিটো বস্তুৰ বাবে এটা সময়সীমা নিৰ্ধাৰণ কৰি দিছে।” (আত-ত্বালাক: ৩)।